მწვანე მომხმარებლის დღე

28 სექტემბერი მწვანე მომხმარებლის დღეა!

საქართველოში მწვანე მომხმარებლის დღე 2017 წლიდან აღინიშნება. აღნიშნული დღე მიზნად ისახავს თანამედროვე მომხმარებლური ქცევის შესახებ ცნობიერების ამაღლებას და საზოგადოების მოტივირებას, რათა მასობრივი, არამდგრადი მომხმარებლური ჩვევები მდგრადი და მწვანე არჩევანით ჩანაცვლდეს.

აღნიშნულ დღესთან დაკავშირებით,(კვირეულის ფარგლებში) სსიპ აჭარის სატყეო სააგენტომ უმასპინძლა ქ. ბათუმის 25-ე საჯარო სკოლის მოსწავლეებს. მათ ჩაუტარდათ ლექცია-სემინარი, მიიღეს ინფორმაცია, თუ რამდენად მნიშვნელოვანია „მწვანე“ მომხმარებლობის ხელშეწყობა, რაც ქვეყანაში ჯანსაღი გარემოს შენარჩუნებას უზრუნველყოფს. ასევე, მოსწავლეებს წარმოდგენილი ჰქონდათ მათ მიერ მომზადებული პრეზენტაციები.

„მწვანე” მომხმარებელი უპირატესობას ანიჭებს ისეთ პროდუქტს, რომელიც მთელი სასიცოცხლო ციკლის მანძილზე (რესურსის მოპოვება, წარმოება, ტრანსპორტირება, ექსპლუატაცია, უტილიზაცია) ნაკლებად აბინძურებს გარემოს. „მწვანე” პროდუქტი შეიძლება იყოს საკვები, სამომხმარებლო ელექტროტექნიკა, ავტომობილები, სასტუმრო და საბანკო მომსახურებაც კი.

მდგრადი განვითარების კვირეული

მდგრადი განვითარების კვირეულის ფარგლებში, სსიპ აჭარის სატყეო სააგენტოს ორგანიზებით, ხელვაჩაურის მუნიციპალიტეტის, მაჭახელას ხეობაში გაიმართა შეხვედრა, ჩხუტუნეთის საჯარო სკოლის მოსწავლეებთან, რომლებსაც ცნობიერების ამაღლების მიზნით, ჩაუტარდათ ლექცია-სემინარი მდგრადი განვითარების შესახებ.

კლიმატური ცვლილებები, ჰაერის დაბინძურების საგანგაშო დონე, რესურსების ამოწურვის საფრთხე - ეს ის პრობლემებია, რომელთა გამოც თანამედროვე მსოფლიომ გადაწყვიტა, გადახედოს განვითარების კლასიკურ გეგმას და იზრუნოს ხვალინდელ დღეზე, მომავალი თაობების ჯანმრთელობასა და კეთილდღეობაზე. სწორედ ეს არის მდგრადი განვითარება

სსიპ აჭარის სატყეო სააგენტო აცხადებს სახელმწიფო ტყის ფონდის ტერიტორიებზე გასულ წლებში მოთხრილ-მოტეხილი (ძირნაყარი) ხე-ტყის დამზადებას ინტერესთა გამოხატვის გზით, ტყის მოვლის ღონისძიებების განსახორციელებლად

სსიპ აჭარის სატყეო სააგენტო აცხადებს შუახევის სატყეო ადმინისტრაციის მართვას დაქვემდებარებულ ოლადაურის სატყეოს კვარტალ №17 -ში საორიენტაციოდ 4 000 კბმ და ქობულეთის სატყეო ადმინისტრაციის მართვას დაქვემდებარებულ აჭი-გოგიეთის სატყეოში უბან გომის მთის ტერიტორიაზე № 36, 37, 50, 51, 53, 54, 55, კვარტლებში,   საორიენტაციოდ 3 000 კბ.მ გასულ წლებში მოთხრილ-მოტეხილი (ძირნაყარი) ხე-ტყის დამზადებას ინტერესთა გამოხატვის გზით, ტყის მოვლის ღონისძიებების განსახორციელებლად. 

ვრცლად...

დასუფთავების საერთაშორისო დღე

16 სექტემებერი დასუფთავების საერთაშორისო დღეა.

ყოველი წლის სექტემბერში აღინიშნება მსოფლიო დასუფთავების დღეები. ( world clean up day) ღონისძიება გლობალურია და მასში თითქმის მთელი მსოფლიო ერთვება. ამ დღეს მსოფლიოს სხვადასხვა ქვეყნებში მოხალისეები ერთიანდებიან და წინასწარ შერჩეულ დაბინძურებულ ადგილებს ასუფთავებენ.

საქართველოში დასუფთავების მსოფლიო დღე 2010 წლიდან აღინიშნება.

აღნიშნულ დღესთან დაკავშირებით, სსიპ აჭარის სატყეო სააგენტოს ორგანიზებით, ჩატარდა დასუფთავების აქცია, რომელშიც მონაწილეობას ღებულობდა ქედის მუნიციპალეტიტის, სოფელ უჩხითის საჯარო სკოლის მოსწავლეები და სსიპ აჭარის სატყეო სააგენტოს წარმომადგენლები.

ღონისძიების ფარგლებში, ქედის მუნიციპალიტეტის ტურისტული სატყეო ზონების დასუფთავება განხორციელდა.

ტყის სანიტარული დათვალიერება

პროექტი “ტყის მდგრადი მართვა აჭარაში” (SMFIA, პროექტი), რომელსაც ახორციელებს სსიპ აჭარის სატყეო სააგენტო KFW ს თანადაფინანსებით, წარმოადგენს WWF Caucasus, WWF Germany-სა და Hessenforst-ის ერთობლივ საქმიანობას.

აღნიშნული პროექტის ფარგლებში, ტყის სანიტარული დათვალიერების და სანიტარული მდგომარეობის გაუარესების გამომწვევი მიზეზების და ტყეში გავრცელებული მავნებელ-დაავადებების შესწავლის მიზნით, დაგეგმილი იყო ხულოს, შუახევის, ქედის, ხელვაჩაურის და ქობულეთის სატყეო ადმინისტრაციების ტყის ტერიტორიების მონიტორინგი.

შემაჯამებელი შეხვედრა გაიმართა, საველე სამუშაოების დასრულების შემდეგ და გაიცა ახალი რეკომენდაციები   მავნებელ-დაავადებებთან ბრძოლის წინააღმდეგ.

ზემოთ აღნიშნულ სამუშაოებში სსიპ აჭარის სატყეო სააგენტოს წარმომადგენლებთან ერთად ჩართული იყო, WWF- წარმომადგენლები, როლფ შულცკი - უფროსი ტექნიკური მრჩეველი, ოლივერ შულცი - ჰესენის სატყეო ადმინისტრაციიდან მოწვეული ექსპერტი, ტყის მავნებელ დაავადებების მიმართულებით.