დედამიწის დღე

სსიპ აჭარის სატყეო სააგენტოს ორგანიზებით, დედამიწის დღესთან დაკავშირებით გამწვანების აქცია გაიმართა.

ღონისძიების ფარგლებში, ხელვაჩაურის სატყეო ადმინისტრაციის ერგეს სატყეო უბანში, სახელმწიფო ტყის ტერიტორიაზე 200 ძირი სხვადასხვა სახეობის ნერგი დაირგო. დამატებით, ქობულეთის სატყეო ადმინისტრაციის თიკერის უბანში 550 ძირი ნერგი გააშენეს.

აქციაში მონაწილეობდნენ აჭარის სატყეო სააგენტოს ხელმძღვანელი პირები და თანამშრომლები, ასევე ხელვაჩაურის მუნიციპალიტეტის მერიის წარმომადგენლები.

დედამიწის დღე მსოფლიოში ყოველწლიურად 22 აპრილს აღინიშნება და მისი მიზანია გარემოს დაცვის მნიშვნელობის ხაზგასმა, ეკოლოგიური ცნობიერების ამაღლება და საზოგადოების ჩართულობის გაზრდა ბუნებრივი რესურსების დაცვასა და მდგრად განვითარებაში.

აჭარის სოფლის მეურნეობის სამინისტროს სსიპ აჭარის სატყეო სააგენტოს უფროსმა, ელდარ ცინცაძემ, ქედის, შუახევის და ხულოს სატყეო ადმინისტრაციებში სამუშაო შეხვედრები გამართა

აჭარის სოფლის მეურნეობის სამინისტროს სსიპ აჭარის სატყეო სააგენტოს უფროსმა, ელდარ ცინცაძემ, ქედის, შუახევის და ხულოს სატყეო ადმინისტრაციებში სამუშაო შეხვედრები გამართა.

შეხვედრებს გაცნობითი და სამუშაო ხასიათი ჰქონდა და მიზნად ისახავდა სააგენტოს მიმდინარე საქმიანობის, პრიორიტეტებისა და სამომავლო გეგმების გაცნობას.

შეხვედრების ფარგლებში განსაკუთრებული ყურადღება დაეთმო მონიტორინგის მექანიზმების გაძლიერებას, სატყეო საქმიანობის ეფექტიან და კოორდინირებულ განხორციელებას, ასევე სააგენტოს ინსტიტუციური გაძლიერებისა და სამუშაო პროცესების გაუმჯობესებას.

განხილულ იქნა ტყის დაცვისა და მართვის ხარისხის ამაღლების მნიშვნელობაც. შეხვედრებს ესწრებოდნენ სააგენტოს უფროსის მოადგილეები — გიორგი ჯინჭარაძე და ავთანდილ მახარაძე, აგრეთვე შესაბამისი სტრუქტურული ერთეულების წარმომადგენლები.

ტყის მდგრადი მართვა აჭარაში

აჭარის სატყეო სააგენტოს გარემოსდაცვითი და სოციალური მართვის ჩარჩო დოკუმენტი 2025

ტყის მდგრადი მართვა აჭარაში

სსიპ აჭარის სატყეო სააგენტო აცხადებს სახელმწიფო ტყის ფონდის ტერიტორიებზე გასულ წლებში მოთხრილ-მოტეხილი (ძირნაყარი) ხე-ტყის დამზადებას ინტერესთა გამოხატვის გზით, ტყის მოვლის ღონისძიებების განსახორციელებლად

სსიპ აჭარის სატყეო სააგენტო აცხადებს შუახევის სატყეო ადმინისტრაციის მართვას დაქვემდებარებულ ოლადაურის სატყეოს კვარტალ №17 -ში საორიენტაციოდ 4 000 კბმ და ქობულეთის სატყეო ადმინისტრაციის მართვას დაქვემდებარებულ აჭი-გოგიეთის სატყეოში უბან გომის მთის ტერიტორიაზე № 36, 37, 50, 51, 53, 54, 55, კვარტლებში,   საორიენტაციოდ 3 000 კბ.მ გასულ წლებში მოთხრილ-მოტეხილი (ძირნაყარი) ხე-ტყის დამზადებას ინტერესთა გამოხატვის გზით, ტყის მოვლის ღონისძიებების განსახორციელებლად. 

ვრცლად...

სსიპ - აჭარის სატყეო სააგენტოს უფროსი ელდარ ცინცაძე, ქედის სატყეო ადმინისტრაციის თანამშრომლებს შეხვდა და მათ ახალი ხელმძღვანელი ბეგლარ ბერიძე წარუდგინა

სსიპ - აჭარის სატყეო სააგენტოს უფროსი ელდარ ცინცაძე, ქედის სატყეო ადმინისტრაციის თანამშრომლებს შეხვდა და მათ ახალი ხელმძღვანელი ბეგლარ ბერიძე წარუდგინა.

ბეგლარ ბერიძეს სახელმწიფო სექტორში მუშაობის მრავალწლიანი გამოცდილება აქვს. სხვადასხვა პერიოდში იგი საქმიანობდა აჭარის საავტომობილო გზების დეპარტამენტში, ასევე სსიპ - აჭარის სატყეო სააგენტოს ქედის სატყეო ადმინისტრაციაში.

იგი არის ბათუმის შოთა რუსთაველის სახელობის სახელმწიფო უნივერსიტეტის კურსდამთავრებული, ინჟინერ-მეტყევის სპეციალობით (სასოფლო-სამეურნეო მიმართულება).

შეხვედრას ესწრებოდნენ აჭარის სოფლის მეურნეობის მინისტრის პირველი მოადგილე - გიორგი ფანცხავა, აჭარის გარემოს დაცვისა და ბუნებრივი რესურსების სამმართველოს უფროსი - ჯამბულ ნაკაშიძე და აჭარის სატყეო სააგენტოს ხელმძღვანელი პირები.
წარდგენის შემდეგ გაიმართა სამუშაო შეხვედრა ქედის მუნიციპალიტეტის მერთან, სადაც მხარეებმა სატყეო სექტორში მიმდინარე და დაგეგმილი პროექტები განიხილეს.