მწვანე მომხმარებლის დღე
28 სექტემბერი მწვანე მომხმარებლის დღეა! 
აღნიშნულ დღესთან დაკავშირებით,(კვირეულის ფარგლებში) სსიპ აჭარის სატყეო სააგენტომ უმასპინძლა ქ. ბათუმის 25-ე საჯარო სკოლის მოსწავლეებს. მათ ჩაუტარდათ ლექცია-სემინარი, მიიღეს ინფორმაცია, თუ რამდენად მნიშვნელოვანია „მწვანე“ მომხმარებლობის ხელშეწყობა, რაც ქვეყანაში ჯანსაღი გარემოს შენარჩუნებას უზრუნველყოფს. ასევე, მოსწავლეებს წარმოდგენილი ჰქონდათ მათ მიერ მომზადებული პრეზენტაციები. „მწვანე” მომხმარებელი უპირატესობას ანიჭებს ისეთ პროდუქტს, რომელიც მთელი სასიცოცხლო ციკლის მანძილზე (რესურსის მოპოვება, წარმოება, ტრანსპორტირება, ექსპლუატაცია, უტილიზაცია) ნაკლებად აბინძურებს გარემოს. „მწვანე” პროდუქტი შეიძლება იყოს საკვები, სამომხმარებლო ელექტროტექნიკა, ავტომობილები, სასტუმრო და საბანკო მომსახურებაც კი.
დასუფთავების საერთაშორისო დღე
ყოველი წლის სექტემბერში აღინიშნება მსოფლიო დასუფთავების დღეები. ( world clean up day) ღონისძიება გლობალურია და მასში თითქმის მთელი მსოფლიო ერთვება. ამ დღეს მსოფლიოს სხვადასხვა ქვეყნებში მოხალისეები ერთიანდებიან და წინასწარ შერჩეულ დაბინძურებულ ადგილებს ასუფთავებენ. საქართველოში დასუფთავების მსოფლიო დღე 2010 წლიდან აღინიშნება. აღნიშნულ დღესთან დაკავშირებით, სსიპ აჭარის სატყეო სააგენტოს ორგანიზებით, ჩატარდა დასუფთავების აქცია, რომელშიც მონაწილეობას ღებულობდა ქედის მუნიციპალეტიტის, სოფელ უჩხითის საჯარო სკოლის მოსწავლეები და სსიპ აჭარის სატყეო სააგენტოს წარმომადგენლები. ღონისძიების ფარგლებში, ქედის მუნიციპალიტეტის ტურისტული სატყეო ზონების დასუფთავება განხორციელდა.
ჩრდილოეთ გერმანიის მეტყევე-სპეციალისტთა გაერთიანებულ ჯგუფი
სსიპ აჭარის სატყეო სააგენტოს უფროსმა ჯუმბერ აბულაძემ უმასპინძლა ჩრდილოეთ გერმანიის მეტყევე-სპეციალისტთა გაერთიანებულ ჯგუფს.
სტუმრებს გააცნეს, პროექტის ,,ტყის მდგრადი მართვა აჭარაში“ მიმდინარეობა, რომელიც დაფინანსებულია გერმანიის ფედერაციული რესპუბლიკის მიერ და რეკონსტრუქციის საკრედიტო ბანკის KFW-ს მეშვეობით ხორციელდება. აღნიშნული პროექტი აჭარის სატყეო სააგენტოს, ტყის მართვის სრულყოფილ ორგანოდ გარდაქმნას ითვალისწინებს. შედეგად უზრუნველყოფილი იქნება ტყის მდგრადი მართვის სრული ციკლი.
შეხვედრაზე ყურადღება გამახვილდა ისეთ თემებზე, როგორიც არის ინოვაციური მიდგომები, რომლებიც მიზნად ისახავს გარემოს დაცვისა და ეკონომიკური განვითარების დაბალანსებას. მხარეებმა ხაზგასმით აღნიშნეს ადაპირებული მართვის ტექნიკის კრიტიკული საჭიროება.
ხაზგასმით აღნიშნეს აგრეთვე, ტყის მდგრადი მართვის მიღწევის პოტენციალი, როგორც ლოკალური, ისე გლობალური მასშტაბით. ასევე განხილული იყო ტყეზე მისი ზემოქმედების შესამცირებელი სტრატეგიები
სსიპ აჭარის სატყეო სააგენტოსა და გერმანელ მეტყევეებს შორის შეხვედრა ხელს უწყობს იდეების, ექსპერტიზისა და სტრატეგიების გაცვლას, რომელიც მიზნად ისახავს ტყის მდგრადი მართვის პრაქტიკის განვითარებას და გლობალურად ტყეების წინაშე მდგარი არსებული გამოწვევების მოგვარებას.
ტყის მავნებელ-დაავადებების წინააღმდეგ ბრძოლის ღონისძიებები
სსიპ აჭარის სატყეო სააგენტოს 2023 წლის პროგრამის ,,ტყის მოვლა-დაცვის“ ფარგლებში ახორციელებს ტყის მავნებელ-დაავადებების წინააღმდეგ ბრძოლის სხვადასხვა სახის ღონისძიებებს, რაც სააგენტოს ტყის სანიტარული მდგომარეობის გაუმჯობესების ერთ-ერთ განსაკუთრებულ პრიორიტეტს წარმოადგენს.
სასარგებლო ბმულები
