სააგენტოს შესახებ
აჭარის სატყეო სააგენტო შეიქმნა 2011 წლის 1 იანვარს აჭარის ავტონომიური რესპუბლიკის მთავრობის 2010 წლის 7 დეკემბრის N55დადგენილების საფუძველზე. ის არის აჭარის ა/რ მთავრობის საქვეუწყებო დაწესებულების - გარემოს დაცვისა და ბუნებრივი რესურსების სამმართველოს სისტემაში შემავალი საჯარო სამართლის იურიდიული პირი.
სააგენტო დასახული მიზნებისა და დაკისრებული ფუნქციების განსახორციელებლად კომპეტენციის ფარგლებში ასრულებს თავის უფლება-მოვალეობებს.
სააგენტოს აქვს დამოუკიდებელი ბალანსი, ბლანკი და ბეჭედი საქართველოს მცირე სახელმწიფო გერბის და საკუთარი სახელწოდების აღნიშვნით, კანონმდებლობის საფუძველზე გადაცემული ქონება, ანგარიში ხაზინაში და ანგარიშსწორების ანგარიში ბანკში, იურიდიული პირის სხვა ატრიბუტები.
სააგენტოს აქვს უნიფორმა და სიმბოლიკა, რომელთა ფორმებს ინდივიდუალური ადმინისტრაციულ-სამართლებრივი აქტით ამტკიცებს სააგენტოს უფროსი.
სააგენტოს მიზნები და ამოცანები
1. სააგენტოს ძირითადი მიზნებია:
ა) ტყის დაცვა, მოვლა და აღდგენა;
ბ) ტყის ფონდის ტერიტორიაზე ბიოლოგიური მრავალფეროვნების კომპონენტების მდგრადი გამოყენება.
2. სააგენტოს ძირითადი ამოცანებია:
ა) ტყის ფონდის საზღვრების დადგენა-დაზუსტების ხელშეწყობა;
ბ) ტყის ფონდის მართვა;
გ) ტყითსარგებლობის რეგულირება;
დ) ტყის მოვლის და აღდგენის ღონისძიებების განხორციელება;
ე) ტყის ფონდის ტერიტორიის კონტროლი.
სააგენტოს აპარატი შედგება შემდეგი სტრუქტურული ქვედანაყოფებისგან:
ა) ტყის მონიტორინგის სამსახური;
ბ) ტყის მართვის სამსახური;
გ) ეკონომიკური სამსახური;
დ) ადმინისტრაციული სამსახური.
სააგენტოს ტერიტორიული ადმინისტრაციებია:
ა) ქობულეთის სატყეო ადმინისტრაცია;
ბ) ხელვაჩაურის სატყეო ადმინისტრაცია;
გ) ქედის სატყეო ადმინისტრაცია;
დ) შუახევის სატყეო ადმინისტრაცია;
ე) ხულოს სატყეო ადმინისტრაცია.
სასარგებლო ბმულები
